• MSN Messenger mezularitza zerbitzurako pasabidearen bertsio berria instalatu da. JalgiTalkitik MSN Messenger zerbitzuaren erabiltzaileekin komunikatzeko jarraitu beharreko pausuak hemen irakurri daitezke.
• Erabiltzaileen zalantzak, iritziak, iradokizunak,... plazaratzeko posta-zerrenda bat sortu da: jalgitalki@taldeak.com. Izena eman dezakezu hemen
• Era berean, gurekin zuzenean mintzatu nahi izanez gero JalgiTalkiren bidez, jalgitalki@jalgitalki.euskalerria.org erabiltzailearengana zuzendu zaitezke.

Ongi etorri JalgiTalki berehalako mezularitza zerbitzura. Zerbitzu honekin zure lagunekin edozein unetan komunikatzeko aukera izango duzu.

• Dohako zerbitzua: euskalerria.org-n posta kontu bat eta JalgiTalki bezero-aplikazioa edukitzea besterik ez da behar.
• Jabber teknologian oinarritutakoa. Jabber berehalako mezularitzarako protokolo ireki, publiko eta askea da.
• Konektatuta dauden zure lagunen zerrenda ikusi ahal izango duzu.
• Edozein unetan, konektatuta dagoen lagun batekin txateatu ahal izango duzu.
• Lagun horri fitxategiak JalgiTalkiren bidez bidaltzeko aukera izango duzu.
• Beste mezularitza zerbitzuekin bateragarria da. Horrela, MSN Messenger, AOL, ICQ edota Yahoo mezularitza sistema erabiltzen duten zure lagunekin ere hitz egin ahal izango duzu, mezularitza programa bakar bat erabiliz!

• Euskalerria.org posta zerbitzuan alta emanda egotea. JalgiTalkik erabiltzaile izen bat eta pasahitz bat eskatuko dizkizu konektatzen zaren unean. Euskalerria.org-renak erabili behar dituzu.
• JalgiTalkira konektatzeko aplikazioa:
  • JalgiTalki bezero-aplikazioa deskargatu dezakezu, euskara hutsean dagoena eta kode irekikoa dena (2,12 Mb),
  • edo bestela, JalgiTalki Jabber teknologian oinarrituta dagoenez, Jabberrerako edozein bezero-aplikazio erabil dezakezu. Orri honetan topatu ahal izango dituzu aplikazio hauek (Windows, Linux, Mac, eta Amigarako): http://www.jabber.org/user/clientlist.php

• Ez baldin bazara Euskalerria.org-ko erabiltzailea, Euskalerria.org-n alta eman behar duzu.
• JalgiTalki bezero-aplikazioa deskargatu
• JalgiTalki bezero-aplikazioa instalatu eta abian jarri
  
  • Windows:
    instalatu.exe fitxategia ireki. Programa zuk aukeratutako karpetan deskonprimituko da (defektuz: c:\jalgitalki). Ondoren, programa abian jartzeko instalazio karpetan dagoen jalgitalki.exe fitxategia ireki behar da (defektuz c:\jalgitalki\jalgitalki karpetan egongo da).
  • Linux / Mac: Laster gehituko dugu JalgiTalki bezeroa Linux eta Macintosh-en instalatzeko prozedura.
• JalgiTalki zerbitzarira konektatu: JalgiTalki bezero-aplikazioa irekitzerakoan leiho bat agertuko zaizu erabiltzaile izena, zerbitzaria, eta abar eskatuz, honako itxura izango duena:

• Bertan honako balio hauek jarri behar dituzu:
  • Erabitzailea: zure euskalerria.org posta kontuaren erabiltzailea. Adibidez: zure posta kontua nireposta@euskalerria.org bada, erabiltzailea nireposta da.
  • Pasahitza: euskalerria.org zerbitzuan sartzeko erabiltzen duzun berdina.
  • Zerbitzaria: jalgitalki.euskalerria.org
• Sakatu Jarduna hasi botoia eta programa zerbitzariarekin konektatuko da eta bere pantaila nagusia ikus ahal izango duzu (2. irudia).
• Ondoren, solaskideak gehitu nahi izango dituzu zure helbide zerrendara. Horretarako, JalgiTalkiren goikaldean eta ezkerraldean agertzen den botoia sakatu:

• "Harpidetza bidali" izeneko leiho bat irekiko da, eta programak galdetuko du nori bidali harpidetza hori, hau da, zein lagun gehitu nahi duzun zure zerrendara. Demagun lagun1@euskalerria.org gehitu nahi dugula. Horretarako, zure lagunaren erabiltzaile izena (@ zeinuaren ezkerraldera dagoena) idatzi, eta ondoren @jalgitalki.euskalerria.org idatzi behar duzu. Gure adibidean: lagun1@jalgitalki.euskalerria.org idatzi beharko genuke. Ondoren, "harpidetu" botoia sakatu. Zure lagunak notifikazio bat jasoko du, zuk zure zerrendan gehitu nahi duzula esanez, ondoren berak onartu beharko du zure zerrendaren partaide izatea, eta aldiberean, zuk jasoko duzu zure lagunaren notifikazio bat zure helbidea bere zerrendan gehitzeko baimena eskatuz. Ez kezkatu mezu guzti hauek ez badituzu berehala jasotzen: kontutan izan zure lagunak konektatuta egon behar duela zuri baimena emateko.
• Guzti hau egin ondoren, JalgiTalkik zure lagunaren helbidea zure helbide-zerrendan gehituko du. Berarekin hitzegiteko klik egin ezazu bere izenaren gainean bi aldiz, eta txateatzeko pantaila bat agertuko zaizu.

• Hasteko, MSN zerbitzuan posta kontu bat eduki behar duzu (adib.: nireposta@hotmail.com edo nireposta@msn.com)
• Ireki esploratzailearen leihoa JalgiTalkin (Zerbitzuak menuan, Esploratzailea menu-aukeraren gainean klik eginez, edo Jabber esploratzailea izeneko botoiaren gainean sakatuz, ikus ondorengo irudia).

• Jabber esploratzailearen leihoa irekiko da, eta bertan JalgiTalki zerbitzariak eskaintzen dituen zerbitzu desberdinak ikus ahal izango dituzu. Zabaldu ezazu MSN Mezularitza sistemarako pasabidea izeneko zerbitzua, eta klik egin bi aldiz "Register at Service" aukeraren gainean.

• Beheko irudian ikus daitekeen leihoa agertuko zaizu: bertan, username izeneko eremuan zure hotmail edo msn-ko posta helbidea, nick eremuan erabili nahi duzun goitizena, eta password eremuan zure hotmail edo msn posta konturako pasahitza idatzi. Beste eremuak dauden bezala utz ditzakezu. Bukatu ondoren, Ondo izeneko botoia sakatu.
  

• Ondoren mezu bat jasoko duzu, MSN Mezularitza sistemarako pasabidean ondo erregistratu zarela esanez. MSN Messenger erabiltzen bazenuen, zure kontaktu zerrenda guztia agertuko da automatikoki (JalgiTalkik, kontaktu bakoitzeko, zerrendan gehitzeko konfirmazioa eskatuko dizu).
• Azkenik, MSN Messenger zerbitzua erabiltzen duen lagun berri bat gehitu nahi baldin baduzu, 2. irudian agertzen den botoia sakatu behar duzu (Erabiltzaile berria gehitu... izenekoa) eta programak galdetzen dizunean zein lagun gehitu nahi duzun zure zerrendara honako prozedura hau jarraitu behar duzu:
  • Lagunaren hotmail edo msn-ko posta helbidea idatzi, baina arroba zeinua (@) ehunekoen sinboloarekin ordezkatuz (%), eta helbidearen ondoren @msn.jalgitalki.euskalerria.org idatzi.
    OSO GARRANTZITSUA DA HAU IDAZTEA, bestela JalgiTalkik ez du zure laguna topatuko.
  • Adibidez, demagun lagun1@hotmail.com gehitu nahi dugula. Horretarako, gure lagunaren posta helbidea idatziko genuke, @ zeinua % zeinuarekin ordezkatuz, eta ondoren @msn.jalgitalki.euskalerria.org idatziko genuke. Gure kasuan: lagun1%hotmail.com@msn.jalgitalki.euskalerria.org.
  • Ondoren, "harpidetu" botoia sakatu, eta betiko notifikazioak jasoko dituzu. Guztiak onartu eta lagun berria zure zerrendakideen artean izango duzu!